I Ken Something.
What gars ye sing sae, birdie, As gien ye war lord o' the lift? On breid ye're an unco sma' lairdie, But in hicht ye've a kingly gift! A' ye hae to coont yersel rich in 'S a wee mawn o' glory-motes! The whilk to the throne ye're aye hitchin Wi a lang tow o' sapphire notes! Ay, yer sang's the sang o' an angel For a sinfu' thrapple no meet, Like the pipes til a heavenly braingel Whaur they dance their herts intil their feet! But though ye canna behaud, birdie, Ye needna gar a'thing wheesht! I'm noucht but a hirplin herdie, But I hae a sang i' my breist! Len' me yer throat to sing throu, Len' me yer wings to gang hie, And I'll sing ye a sang a laverock to cow, And for bliss to gar him dee!
AI analysis available. Enable JavaScript to interact.
About this line
"What gars ye sing sae, birdie,..."
Exploring the themes of classic, George MacDonald delivers a powerful performance in "I Ken Something."... ### Why We Love This Line At Linespedia, we believe that poetry is the ultimate sanctuary for the soul...