Tam I' The Kirk
O Jean, my Jean, when the bell ca's the congregation Owre valley an' hill wi' the ding frae its iron mou', When a'body's thochts is set on his ain salvation, Mine's set on you. There's a reid rose lies on the Buik o' the Word 'afore ye That was growin' braw on its bush at the keek o' day, But the lad that pu'd yon flower i' the mornin's glory, He canna pray. He canna pray; but there's nane i' the kirk will heed him Whaur he sits sae still his lane at the side o' the wa, For nane but the reid rose kens what my lassie gie'd him - It an' us twa! He canna sing for the sang that his ain he'rt raises, He canna see for the mist that's 'afore his een, An a voice drouns the hale o' the psalms an' the paraphrases, Cryin' "Jean, Jean, Jean!"
AI analysis available. Enable JavaScript to interact.
About this line
"O Jean, my Jean, when the bell ca's the congregation..."
Violet Jacob's contribution to classic is further solidified by the brilliance found in "Tam I' The Kirk"... ### Why We Love This Line At Linespedia, we believe that poetry is the ultimate sanctuary for the soul...