The Home Of Death
"Death, whaur do ye bide, auld Death?" "I bide in ilka breath," Quo' Death; "No i' the pyramids, No whaur the wormie rids 'Neth coffin-lids; I bidena whaur life has been, An' whaur's nae mair to be dune." "Death, whaur do ye bide, auld Death?" "Wi' the leevin, to dee 'at are laith," Quo' Death; "Wi' the man an' the wife 'At loo like life, Bot strife; Wi' the bairns 'at hing to their mither, Wi' a' 'at loo ane anither." "Death, whaur do ye bide, auld Death?" "Abune an' aboot an' aneth," Quo' Death; "But o' a' the airts An' o' a' the pairts, In herts-- Whan the tane to the tither says, Na, An' the north win' begins to blaw."
AI analysis available. Enable JavaScript to interact.
About this line
""Death, whaur do ye bide, auld Death?"..."
Exploring the themes of classic, George MacDonald delivers a powerful performance in "The Home Of Death"... ### Why We Love This Line At Linespedia, we believe that poetry is the ultimate sanctuary for the soul...